小知識

主要的原因是受家族遺傳的腳型影響。

此外，鞋款選擇、走路方式及運動不足等都有莫大影響。

如果妳本身有其它痛症，都可能會令妳發展拇趾外翻嘅風險更高！

當中，最常見嘅有扁平足及韌帶鬆弛。除左先天遺傳之外，後天嘅因素正正係我地要注意嘅地方。受過傷、懷孕以及體重過高等都有機會造成肌腱及韌帶慢性勞損。

如果妳有呢方面嘅問題，就更加唔應該忽視拇趾外翻嘅潛在風險，要及早採取行動預防！

尖頭鞋容易使拇趾不能確實地踩地，令肌肉弱化，繼而使拇趾外翻惡化。長期壓迫拇趾關節突出部位亦可能會引起拇趾滑液囊炎。而關節磨擦亦會長出厚繭，引起疼痛和不適。

然而，較寬大的鞋，亦可能會影響步姿。如果在走路時，不自覺地抬起拇趾頭，亦會加重拇趾根部的負擔。

因為鞋履的選擇(例如高踭鞋、尖頭鞋)，女性出現拇趾外翻的風險比男性高。

另外，懷孕可能會構成其中一個因素。

為了準備分娩，女性在懷孕期間的賀爾蒙上升會令骨盆周圍及雙腿的韌帶更鬆動，或會造成拇趾外翻。

見此，孕婦應更留意拇趾外翻的情況，及早採取措施預防。

牽一"趾"動全身。

拇趾外翻令拇趾傳遞力量的能力變差，使足踝容易不穩定。

長久下來，骨盆或膝蓋都會受到影響，可會導致出現膝蓋痛、肩膀痠痛、腰痛、偏頭痛、O型腳、自律神經失調等病症。

目前，嚴重嘅拇指外翻只能靠手術(例如，肌腱轉移、截骨矯正、關節溶合、韌帶聯合等)先可以完全治癒。除左額外嘅金錢開支外，各式手術亦伴隨相應嘅風險。

如果唔想搞到要見醫生，其實好簡單。就係日常生活中，透過唔同嘅產品、改善習慣以及運動嘅配合去改善及舒緩問題。

如果發現有輕微嘅拇趾外翻，一定要立即行動，避免外翻變形更嚴重。

當然，「預防勝於治療」。

如果發現有輕微的拇趾外翻，可以透過不同產品、改善習慣及運動的配合改善及舒緩問題。

但若拇趾外翻的角度過大，應考慮求醫。

雖然人字拖可以幫妳分隔開D腳趾，睇落減少左擠壓及磨擦。但長期穿著人字拖並唔一定可以預防拇趾外翻。

首先，當大家著人字拖時要用到拇趾及第二足趾夾實先唔會"甩拖"。咁樣會令腳趾底部嘅肌肉更繃緊，更容易令拇趾外翻。

另外，如果穿著唔能夠支撐足弓嘅鞋，會令拇趾承受更大壓力。市面上唔少人字拖嘅鞋底都缺乏承托及包覆，長期穿著仲可能會造成足底筋膜炎等痛症。

咁樣無疑係斬腳趾避沙蟲，因為拇趾外翻其中一個成因就係肌力不足。

大家做唔夠運動可能會更容易令拇趾外翻惡化。

如果妳本身有拇趾外翻嘅跡象，重點應該係選擇合適嘅運動用品，舒緩運動時嘅痛楚，同時減低受傷嘅風險。

當然，預防勝於治療。大部分運動都需要啟動下肢。但如果大家無為意，忽略腳趾嘅施力，亦有可能導致局部肌肉弱化，誘發拇趾外翻。

如果唔想有拇趾外翻，運動時應該考慮分趾襪款，而平時亦要注重腳趾嘅運動。

如果屋企又無矯正用品，不妨試下用暖水浸腳20分鐘，早晚各一次。咁樣，有助放鬆腳底嘅筋膜，同時亦可以有效舒緩拇趾外翻嘅痛症。浸個時，仲可以加少少瀉鹽，增強效用。

浸腳雖然係好爽，但畢竟只起到舒緩嘅作用。長遠嚟講，合適嘅預防用品及腳趾肌力嘅鍛鍊先係關鍵！